Idara ya Elimu Sekondari katika Manispaa ya Moshi inajukumu la kusimamia Elimu ya Sekondari na kutekeleza yafuatayo:-
Kuwakilisha Wizara ya Elimu Sayansi na Technolojia pamoja Ofisi ya Rais-Tawala za Mikoa na Serikali za Mitaaa katika ngazi zote kuhusu masuala ya Elimu ya Sekondari
Kufafanua na kusimamia utekelezaji wa Sera ya Elimu na Mafunzo ya Ufundi, Sheria na Kanuni zinazoongoza utoaji wa Elimu ya Sekondari.
Kuhakikisha mtaala wa Elimu ya Sekondari unatekelezwa ipasavyo.
Kumshauri Mkurugenzi wa Halmashauri kuhusu masuala yote ya Elimu ya Sekondari.
Kusimamia upanuzi wa Elimu ya Sekondari katika Halmashauri:
Kusimamia haki na maslahi ya walimu na watumishi wengine wa ngazi ya elimu ya sekondari katika Halmashauri.
Kuratibu na kusimamia mitihani ya kitaifa inayoendeshwa kwa shule za sekondari katika Halmashauri.
Kutayarisha na kusimamia utekelezaji wa mipango ya maendeleo ya Elimu ya sekondari kila mwaka.
Kufuatilia na kutathimini maendeleo ya Elimu ya Sekondari katika Halmashauri.
Kufuatilia utekelezaji wa taarifa za ukaguzi wa shule za sekondari
Kusimamia maendeleo ya taaluma na michezo ya shule za sekondari katika Halmashauri.
Kuratibu, kukusanya na kuchambua Takwimu za Elimu ya Sekondari katika Halmashauri.
Kufuatilia mapato na matumizi ya fedha katika Shule za Sekondari
Kuwatambua na kuwapatia huduma stahiki wanafunzi wenye mahitaji maalumu.
Idadi ya Shule za Sekondari katika Manispaa ya Moshi ni 25; kati ya hizo shule 12 ni za kutwa na Shule 2 ni za bweni, Shule 11 ni za umiliki binafsi na mashirika.
