Kusimamia ukusanyaji wa mapato ya Halmashauri kwa kufuata sheria mama na sheria ndogo za Halmashauri.
Kuhakikisha kwamba mapato yote yanakusanywa kwa kutumia mfumo wa mapato (LGRCIS).
Kuandaa, kuwasilisha na kusimamia utekelezaji wa bajeti ya Halmashauri iliyopitishwa na kuhakikisha matumizi ya fedha
yanafanyika kwa mujibu wa shughuli zilizoidhinishwa.Kusimamia matumizi ya fedha za serikali kwa kufuata kanuni, miongozo na sheria.
Kuandaa taarifa ya mapato na matumizi kila mwezi.
Kuandaa hesabu za mwisho kuishia Juni, 30 ya kila mwaka na kuwasilisha kwa Mkaguzi na Mdhibiti Mkuu wa Hesabu za Serikali ifikapo 30.Septemba ya kila mwaka.
Kutoa ushauri wa masuala ya fedha kwa wakuu wa idara na vitengo.
Kumshauri Mkurugenzi katika masuala ya fedha.
KITENGO CHA BIASHARA
Kitengo cha Biashara ni Kitengo kilichopo chini ya Idara ya fedha na Biashara. Kitengo hiki kinalojukumu kubwa la kutoa leseni za biashara pamoja na leseni za vileo, na utoaji wa leseni hizi ni kwa mujibu wa sheria kama ifuatavyo:-
Leseni za biashara zinatolewa chini ya sheria ya leseni ya biashara Na. 25 ya mwaka 1972 na marekebisho yake ya 1980, 2013 kifungu 11(1) na marekebisho ya mwaka 2015.
Leseni za vileo zinatolewa chini ya sheria ya vileo ya mwaka 1968 kifungu Na. 28 na marekebisho yake ya mwaka 1981 na 2011.
Ushuru wa makazi unatozwa kwa kutumia sheria ya ulipaji wa Huduma za jiji Na. 23 (1972).
MAJUKUMU MENGINE NI KAMA HAYA YAFUATAYO:-
Kitengo cha Biashara pia kinayo majukumu mengine ambayo kinayatekeleza kama ifuatavyo;-
• Usimamizi na Ukaguzi wa nyumba za kulala wageni na
• Utozaji wa ushuru wa malazi (Hotel levy),
• Utoaji wa mafuzo na ushauri kwa wajasiriamali wadogo na wakubwa.
• Ukaguzi wa leseni zote na biashara,
• Ukaguzi wa Viwanda vidogo na vikubwa.
• Ushiriki na uandaaji wa maonyesho mbali mbali ya biashara.
