VIKUNDI 38 VYA WANAWAKE NA VIJANA VYAPATIWA MKOPO WA SHILINGI MILIONI 189

Posted on: March 1st, 2018

Halmashauri  ya Manispaa ya Moshi ,  imetoa  mkopo

wa Shilingi  Milioni189, kwa vikundi 38 vya wanawake  na vijana,lengo

likiwa nikuwawezesha kuanzisha miradi mbalimbali ya maendeleo na

kujikwamua kiuchumi.

Mbali na mikop hiyo, pia imetoa vitambulisho maalumu vya matibabu bure

kwa wazee 1,000, hatua ambayo itawawezesha kupata matibabu bure katika

vituo vya afya na Hospitali ya Wilaya.

Akizungumza jana wakati wa utoaji hundi  kwa vikundi hivyo na kadi za

matibabu kwa wazee, Mkurugenzi wa Manispaa hiyo Michael Mwandezi,

alisema katika  mwaka wa fedha 2017/18, Halmashauri hiyo imetenga

zaidi ya  Shilingi 557.2 Milion,kutoka katika mapato yake ya ndani kwa

ajili ya vikundi vya kinamama na vijana.

Alisema mpaka sasa wameshatoa mikopo kwa vikundi 44, na saccos Moja,

ambapo awamu ya kwanza walitoa 45Mlion,kwa vikundi Viwili vya vijana

na vikundi Saba vya wanawake na kwamba Mikipo iliyotolewa ya Shilingi

189Milion,ni awamu ya Pili.

“Tunatarajia vijana na kina mama baada ya kupata fedha hizi, wanaingia

mtaani kufanya shughuli mbalimbali ambazo zitawaongezea kipato na

kujikwamua kiuchumi”

Akizungumzia Vitambulisho vya matibabu kwa wazee, Mwandezi alisema

kulingana na Takwimu zilizokusanywa katika Kata 21,Manispaa hiyo ina

jumla ya zawee 4,319 na kati ya hao 2112 ni wahitaji.

Akizungumza Mkuu wa Mkoa wa Kilimanjaro Anna Mghwira, mbali na

kuupongeza uongozi wa Halmashauri hiyo kwa kutekeleza vyema mipango ya

serikali,alivitaka vikundi vyote vilivyopata mikopo, kuitumia kwa

malengo yaliyokusudiwa, ili kufanikiwa kuirejesha kwa wakati na kutoa

fursa kwa wengine kunufaika na fedha hizo.

Awali akizungumza Mstahiki Meya wa Manispaa ya Moshi, Raymond Mboya,

alisema, Manispaa hiyo imekuwa ikijitahidi kutenga na kutoa fedha

kutoka katika mapato yake ya ndani kwa ajili ya vijana na kina mama,

kama wanavyoelekezwa na serikali.

Mboya aliwataka viongozi wa vikundi vilivyonufaika na mikopo hiyo,

kusimamia kwa uaminifu, ili kuwezesha kurejeshwa kwa wakati, na

kuwasaidia wengi zaidi na kufanikisha jitihada za kujikwamua kiuchumi.