MWENYEKITI WA CCM MOSHI MJINI AMPONGEZA MKUU WA WILAYA

Posted on: October 28th, 2022

Kamati ya siasa ya Chama Cha Mapinduzi (CCM) Moshi Mjini imeridhishwa na na kasi ya utekelezaji wa miradi ya maendeleo katika Manispaa ya Moshi.

Hayo yamebainishwa na mwenyekiti wa CCM Moshi Mjini ndugu Faraji Swai wakati wa ziara ya kamati hiyo ya kukagua ujenzi wa madarasa 10 yatakayogharimu sh Milioni 200 fedha zilizotolewa na Rais wa Jamhuri ya Muungano wa Tanzania Mhe Samia Suluhu Hassan kwa ajili ya ujenzi wa madarasa ya kupokea kidato cha kwanza mwaka 2023.

“ Nakupongeza Mkuu  wa Wilaya na watendaji wa Halmashauri  ya  Manispaa ya Moshi kwa kazi nzuri iliofanyika kwani nimepita na  kukagua madarasa yanayojengwa kwa fedha shs Milioni 200 zilizotolewa na Rais wa awamu ya sita Mhe. Samia Suluhu Hassan na nimeona ujenzi upo vizuri na nimeridhika kabisa” alisema swai

Naye Mkuu wa wilaya ya moshi Mhe. Abbas Kayanda alisema kuwa anamshukuru Mh samia suluh Hassan Rais wa Jamhuri ya Muungano ya Tanzania kwa kuipatia Manispaa ya moshi sh Milioni 200 kwa ajili ya ujenzi wa madarasa 10 ya kidato cha kwanza na amefarijika na pongezi zilizotolewa kwake na mwenyekiti wa CCM moshi mjini na kuahidi kuaendelea kusimamia  madarasa  hayo ili yaweze kukamilika kwa wakati .