MUHTASARI WA TAARIFA YA MAKADIRIO YA MAPATO NA MATUMIZI KATIKA MPANGO NA BAJETI YA MWAKA WA FEDHA 2022/2023

Posted on: June 30th, 2022

MUHTASARI WA TAARIFA YA MAKADIRIO YA MAPATO NA MATUMIZI KATIKA MPANGO NA BAJETI YA MWAKA WA FEDHA 2022/2023

UTANGULIZI

Makadirio ya Mpango na Bajeti kwa Mwaka wa fedha 2022/2023 yameandaliwa kwa kuzingatia Hali halisi ya mapato na matumizi katika bajeti ya mwaka 2020/2021, Mapitio ya mwenendo wa  mapato na matumizi katika bajeti  ya mwaka 2021/2022  hadi kufikia mwezi Desemba 2021. Aidha,Mpango huu umezingatia Mwongozo wa Maandalizi ya Mpango na Bajeti ya Mwaka 2022/2023, Mpango Mkakati wa Halmashauri ya Manispaa, Ilani ya Uchaguzi ya mwaka 2020 hadi 2025, Vipaumbele vya Serikali na Manispaa    kwa ujumla.

Vipaumbele vya Manispaa ya Moshi katika bajeti ya mwaka 2022/2023 ni:

• Kuibua vyanzo vipya na kuboresha ukusanyaji wa mapato

Halmashauri imeongeza Bajeti ya mapato ya ndani kutoka Tsh. 6,432,335,999.56  Mwaka 2021/2022  hadi kufikia Tsh. 8,544,452,000.00 Mwaka 2022/2023. Kati ya fedha hizo Tsh.              5,882,353,121.00 ni mapato halisi na Tsh. 2,662,098,879.00 ni mapato Fungiwa. Ongezeko hilo limetokana  na:

• Vyanzo vipya vya mapato:  (Ujenzi wa kiwanda cha mbolea ya Mboji na  ununuzi wa Mashine ya kukoboa Mpunga na na ujenzi wa Ghala la kuhifadhia mpunga).
•  Kuongezeka kwa kiwango kwa baadhi ya vyanzo vilivyopo.
• Kuingizwa kwa fedha za Marejesho ya vikundi vya wanawake, vijana na watu wenye ulemavu katika bajeti.
• Usafi wa Mazingira
• Manispaa ya Moshi imedhamiria kuendelea kuboresha Usafi katika Mji wa Moshi kwa kutenga bajeti ya kutosha kwa ajili ya ununuzi wa vifaa, matengenezo ya mitambo na magari ya usafi.
• Ukamilishaji wa miradi viporo
• Manispaa imetenga fedha kwa ajili ya ukamilishaji wa miradi viporo ikiwemo madarasa na nyumba za walimu.
• Kuboresha miundombinu katika vituo vya kutolea huduma za jamii 
• Manispaa imetenga fedha kwa ajili ya ujenzi wa miundombinu ya Shule, Afya na Ofisi za Kata ili kutoa huduma bora kwa Jamii.
• Kujenga uwezo kwa Vikundi vya kiuchumi
• Manispaa imetenga fedha 10% ya mapato yake ya ndani kwa ajili ya kuwezesha vikundi vya kiuchumi vya Wanawake, vijana na watu wenye ulemavu.
•  Kulipa madeni ya Serikali na Wazabuni
• Manispaa imetenga fedha kwa ajili ya kulipa kodi ya ardhi kwa majengo ya Serikali, na kulipa madeni ya wazabuni.

2.0 MAKADIRIO YA MPANGO NA BAJETI YA MWAKA WA FEDHA 2022/2023

Mheshimiwa Mwenyekiti, Katika Mwaka wa fedha 2022/2023, Halmashauri ya Manispaa ya Moshi inatarajia kukusanya na kupokea Jumla ya Tshs. 51,093,185,000 kutokana na fedha za Mapato ya ndani, Matumizi mengineyo, Miradi ya Maendeleo na  Mishahara kama inyoonekana katika Jedwali.

Jedwali: Makadirio ya Bajeti kwa mwaka wa fedha 2022/2023