MANISPAA YA MOSHI YAPITISHA BAJETI YA ZAIDI YA SHILINGI BILIONI 52

Posted on: February 26th, 2021

Baraza la Madiwani la Manispaa ya Moshi, limepitisha bajeti ya mwaka wa fedha wa 2021/202 ambayo ni zaidi ya Sh. Bilioni . 52,543,437,312.00

Mstahiki Meya wa Manispaa Juma Raibu Juma, alitangaza bajeti hiyo , wakati akifunga kikao cha Baraza la Madiwani kilichoketi kujadili na kuidhinisha mapendekezo  ya bajeti.

“Bajeti hii ya Shilingi billion  52,543,437,312.00  tuliyoipitisha leo, inajumuisha miradi ya maendeleo, mishahara na matumizi mengineyo ya Manispaa yetu, lakini mapato ya ndani ni sh. bilioni 6,432, 335,672 na hii ni pamoja na ongezeko la zaidi shilingi milioni 150,”alisema Mstahiki Meya

Halmashauri ya Manispaa ya Moshi imeweza kupandisha mapato yake kutoka kwenye vyanzo vyake kutoka  kiasi cha sh. bilioni 6.2 hadi kufikia 6.4.

Kutokana na mafanikio hayo, Mstahiki  Meya huyo alimwomba Kaimu Mkurugenzi wa Manispaa   Bw. Uhuru Mwembe kuhakikisha kuwa anasimamia vizuri ukusanyaji wa mapato ili bajeti hiyo iweze kufikiwa kwa lengo la kuwaletea wananchi wa Halmashauri ya Manispaa ya Moshi, Maendeleo .

.Aidha Mstahiki Meya  alisema Manispaa  imejipanga kuhakikisha inaweka nguvu zake katika ukusanyaji  mapato na kusimamia miradi miradi ya maendeleo ili ilete mabadiliko ya kiuchumi kwa  wananchi na wakazi wa Manispaa ya Moshi .