MANISPAA YA MOSHI YAFANIKIWA KUTOA MIKOPO KWA ASILIMIA MIA MOJA

Posted on: July 2nd, 2020

Halmashauri ya Manispaa ya Moshi imefanikiwa kutoa mikopo isiyo riba kwa asilimia 100 yenye thamani ya tsh Milioni 690,324,000 kwa mwaka wa fedha 2019/2020 ikiwa ni utekeleza wa agizo la serikali la ya Awamu ya Tano ya Rais  Mh. Dr. John Pombe Magufuli  la  kutenga asilimia kumi (10%) ya mapato ya ndani kwa ajili ya kutoa mikopo kwa Wanawake,Vijana na Walemavu.

Mikopo hiyo imetolewa kwa vikundi vya wajasiriamali mbalimbali kutoka katika kata 21 za Manispaa ya Moshi ambapo Vikundi 65 vya wanawake vimepata Ths 413,000,000,Vikundi vya vijana 33 vimepewa Ths 257,302,000 na vikundi vya watu wenye ulemavu 4 vimepata kiasi cha Ths 20,000,000.