TUNAJENGA MABWENI YA WAVULANA KUKABILIANA NA MATUKIO YA UKATILI

Posted on: November 21st, 2024

Halmashauri ya Manispaa ya Moshi imelazimika kujenga bweni la wanafunzi wa kiume katika shule ya kutwa ya Sekondari ya Msandaka iliyopo Kata ya Msaranga kukabiliana na matukio ya ukatili kwenye jamii, ikiwemo vitendo vya ulawiti kwa watoto wa kiumu.

Akizungumza wakati wa ukaguzi wa bweni hilo, Mkurugenzi wa Manispaa Bi Mwajuma Nasombe amesema wamefikia hatua hiyo kutokana na kushamiri kwa matukio ya ukatili kwa watoto wa kiume.

“Hili bweni tumejenga kwa  lengo ya kusaidia watoto wa kiume kwenye eneo letu, tukiangalia takwimu za ukatili kwa watoto wetu wa kiume, ukatili uko juu, kwa hiyo kupitia kamati ya fedha na mipango ya Halmashauri, tukakubaliana tujenge bweni hili ili tuwe na uhakika wa kutengeneza baba bora baadaye,” alisema Nasombe.